Setilaiti ya Juno yafika Jupiter

Satelite ya Juno kama inavyoonekana

Ile Setilaiti ya Juno iliiyosafiri kwa miaka mitano kwenda katika sayari ya Jupiter imefika kwenye sayari hiyo na kuanza kuizunguka.

Wanasayansi wanakadiria setilaiti hiyo ilifika muda mfupi ujao majira ya saa 12:15 asubuhi hii kwa saa za Afrika Mashariki.

Setilaiti hiyo inatarajiwa kudumu kwa mwaka mmoja na nusu kuchunguza sayari jinsi ilivyoumbwa.

Mawasiliano kutoka kwa chombo hicho cha juu yalipokelewa katika maabara ya Nasa eneo la Pasadena, California kwa shangwe.

"Vituo vyote vya Juno, tunapokea sauti ya kufanikiwa kwa chombo Delta B," kituo cha udhibiti wa Juno kilitangaza. "Roger Juno, karibu Jupiter."

Chombo cha Juno kikipaa

Wanasayansi wanatarajiwa kutumia chombo hicho kufahamu Zaidi muundo wa sayari ya Jupiter ambayo hujulikana kwa Kiswahili kama Zohali.

Wanafikiri muundo wake kikemia unaweza kutoa ufahamu kuhusu jinsi sayari hiyo iliundwa miaka bilioni nne unusu iliyopita.

Hakuna chombo cha anga za juu kilichowahi kufika karibu sana na sayari hiyo kama kilivyofanya chombo cha Juno.

Miali nururishi kutoka kwa sayari hiyo huwa na uwezo wa kuharibu vyombo vya kielektroniki visivyokingwa vyema.

Chombo vya Juno kimezingirwa na kinga ya madini ya Titanium.

Kwa sasa Juno itakuwa ikichukua siku 53 kuizunguka sayari hiyo.

Baadaye Oktoba, itaongeza kasi na kuikaribia zaidi sayari hiyo na kuanza kutumia siku 14 kumaliza mzunguko.

Lengo kuu litakuwa kubaini iwapo kuna oksijeni katika sayari hiyo. Hii sana itakuwa imefungamanishwa na maji, iwapo yapo.

"Kiwango cha maji katika sayari ya Jupiter kitatueleza mengi kuhusu ni wapo sayari hiyo ilikuwa ilipoundwa mapema katika mfumo wa jua,” anasema mmoja wa wanasayansi wanaohusika katika mradi huo Candy Hansen.

"Tunafikiri kwamba Jupiter iliundwa ikiwa pahala tofauti na ilipo sasa."

• Jupiter ina ukubwa mara 11 kuzidi Dunia na uzito wake ni mara 300 zaidi
• Sayari hiyo hutumia miaka 12 ya dunia kulizunguka jua; siku moja huko hudumu saa 10.
• Muundo wake ni kama wa nyota , sana haidrojeni na helium.

Nasa inapanga kuitumia Juno hadi Februari 2018.

Chanzo: bbc swahili

Ghasia mbaya zashuhudiwa Afrika Kusini

Polisi nchini Afrika Kusini wanajaribu kuzua ghasia ambazo zimetokea maeneo ya mji mkuu wa nchi hiyo Pretoria.

Taarifa ya serikali ambayo inataka kuwepo utulivu, inasema kuwa maafisa wa polisi walifyatuliwa risasi wakati waandamanaji waliposhambulia gari lao kwa mawe.

Ghasia zilianza katika eneo la Tshwane kutokana na suala la mgombea wa kiti cha meya ambaye aliteuliwa na chama cha ANC kugombea uchaguzi mwezi Agosti.

Vyombo vya habari nchini humo vinaonyesha vizuizi vinavyowaka moto.

Serikali ya Afrika Kusini imeomba kufanyika kwa mazungumzo ili kusuluhisha tatizo hilo.

Chanzo: bbc swahili

Watoto 6 wafa wakibatizwa Zimbabwe

Robert Mugabe

Watoto sita wamekufa maji bila kutarajiwa katika sherehe za kubatizwa kwao katika mto nchini Zimbabwe.

Watoto watatu walinusurika kufa maji ya mto huo ambao maji yake ni ya baridi; watoto hao walionekana wakitetemeka kutokana na baridi wakati miili ya wenzao waliokufa maji ikiopolewa majini.

Polisi nchini Zimbabwe wamewatia mbaroni watu wawili ambao ni wafuasi wa dhehebu hilo la Kikristo.

Lakini pia walimjumuisha mama mmoja ambaye alidai kwamba yeye ni nabii ambaye alisema kwamba alifanya jaribio la kufufua wafu wakati wa ibada zake .

Chanzo: bbc swahili

Hillary ashinda jimbo la Puerto Rico

Hillary ashinda eneo la Puerto Rico

Vyombo vya habari nchini Marekani, vinaripoti kuwa mgombea wa urais wa chama cha Democratic, Hillary Clinton ameshinda uteuzi wa chama hicho katika eneo la Puerto Rico.

Ushindi huo unaimarisha matumaini yake ya kunyakua uteuzi wa chama hicho, katika uchaguzi mkuu unaopangiwa kufanyika mwezi wa Novemba mwaka huu.

Matokeo ya awali yanaashiria kuwa Bi Clinton atashinda kwa asilimia 60% ya kura ikilinganisha na asilimia 35% za mpinzani wake Bernie Sanders.

Bi Clinton atashinda kwa asilimia 60% ya kura ikilinganisha na asilimia 35% za mpinzani wake Bernie Sanders.

Bi Clinton sasa anahitaji chini ya wajumbe 30tu ili kushinda uteuzi wa chama hicho.

Ushindi huo ni afueni kubwa kwa Bi Clinton huku wakipiga kura katika majimbo ya New Jersey na California wakiajianda kupiga kura siku ya Jumanne.

Chanzo: bbc swahili

Maandamano ya kumpinga Kabila yafanyika DRC

Waandamana Kumpiga kabila

Maandamano ya upinzani yanafanyika nchini Jamhuri ya Kidemokrasia ya Congo kupinga uamuzi wa mahakama ya kikatiba mapema mwezi huu kwamba rais Joseph kabila atasalia madarakani baada ya mda wake kukamilika iwapo uchaguzi hautafanyika mwishoni mwa mwaka huu.

Maandamano hayo yamepigwa marufuku katika maeneo mengine ikiwemo mji wa Lubumbashi nyumbani kwa mgombea wa urais wa Upinzani Moise Katumbi.

Mashariki mwa mji wa Goma hali inazidi kuwa mbaya ,huku waandishi wa habari wakituma ujumbe wa Twitter kwamba jeshi limekuwa likifyatua risasi na kuwazuia raia kukongamana.

Mwandishi huru wa habari Ley Uwara alituma ujumbe wa Twitter kwa lugha ya Ufaransa kwamba hakuna uchukuzi wa umma hivyobasi watu wameshindwa kwenda kazini.

Chanjo imepunguza viwango vya watoto wanaofariki

Umri wa kuishi barani Afrika unaongezeka kwa haraka ikiwa ni maradufu sawa na maeneo mengine duniani kulingana na shirika la afya dunia WHO.

Ripoti ya WHO inasema tangu mwaka 2000, umri wa kuishi umeongezeka kwa takriban miaka 10 zaidi.Kwa sasa mtu wa wastani anaweza kuishi hadi miaka 60.

Lakini Umri huo bado ni miaka 20 chini ya mtoto anayezaliwa katika mojawapo ya mataifa 29 yenye mapato makubwa.

Daktari Ties Boerma kutoka WHO ameimbia Newsday kwamba sababu moja ni kupungua kwa vifo miongoni mwa watoto inayofanywa na chanjo.

Haya hapa mataifa yenye viwango vya juu vya umri wa kuishi Afrika:

Walioua watu msikitini Mwanza wasakwa

Shambulio lilitekelezwa wakati wa swala jioni

Polisi nchini Tanzania wanawazuilia watu watatu wanaotuhumiwa kuhusika shambulio katika msikiti mmoja mjini Mwanza magharibi mwa nchi hiyo.

Watu watatu, akiwemo Imam, walifariki wakati wa shambulio hilo lililotekelezwa katika msikiti wa Rahman wakati wa swala ya usiku siku ya Jumatano.

Kwa mujibu wa kamanda wa polisi jijini humo, Ahmed Msangi, uchunguzi wa mwanzo umebaini kwamba mauaji hayo yalifanywa kwa kutumia mapanga na kuongeza kuwa, polisi wanachunguza chanzo cha shambulizi hilo.

Baadhi ya walioshuhudia tukio hilo, wamesema shambulio hilo lilitekelezwa na kundi la watu wasiopungua 15.

• Wapiganaji wa Kiislamu wadai 'wamo Tanzania'
• Makanisa mengine manne yachomwa Tanzania

Hakuna aliyedai kuhusika katika shambulio hilo.

Tukio jingine la mauaji ya kutumia silaha pia limetokea katika mkoa wa Pwani wilaya ya Mkuranga ambapo askari polisi aliyefahamika kwa jina la Sajenti Kinyogoli ameuawa na watu wasiojulikana.

Matukio hayo yote yametokea wiki hii kulipoibuka taarifa kwenye mtandao wa Twitter juu ya kikundi kilichojitambulisha kama wafuasi wa mtandao wa kigaidi wa Islamic State wakifanya mazoezi eneo la Tanga, kaskazini mashariki mwa Tanzania.

Chanzo: bbc swahili

Kagame: Hatuwezi kumkamata Bashir

Rais wa Rwanda Paul Kagame ametangaza kwamba hakuna sababu hata moja itakayoifanya nchi yake kumkamata rais wa Sudan Omar al-Bashir ikiwa ataalikwa kuhudhuria kikao cha Umoja wa Afrika kitakachofanyika nchini Rwanda mwezi Julai mwaka huu.

Rais Bashir anasakwa na mahakama ya kimataifa ya uhalifu wa kivita (ICC) kwa tuhuma za uhalifu wa kivita na mauaji katika jimbo la Darfur.

Rwanda si mwanachama wa mahakama ya ICC.

Kutoka Kigali Yves Bucyana anaarifu.

Huduma ya mabasi ya mwendo wa kasi yaanza Dar

Abiria wakiwa wamepanda basi la BRT

Huduma ya mabasi ya uchukuzi yanayoenda kwa kasi BRT nchini Tanzania imeanza rasmi siku ya jumanne katika jiji la kibiashara la Dar es Salaam.

Abiria watalipa shilingi 400 na 800 huku wanafunzi wakilipa 200 kulingana na mamlaka ya uchukuzi wa barabarani na majini SUMATRA.

Mkurugenzi mkuu anayesimamia mamlaka hiyo bw Giliard Ngewe amewaambia maripota mjini humo kwamba nauli zitakuwa shilingi 400 kwa uchukuzi wa barabara ndogo,650 kwa barabara kuu na shilingi 800 kwa uchukuzi wa barabara kuu na ndogo huku wanafunzi wakilipa shilingi 200 kwa kila safari.

ASiku ya Jummanne na Jumatano mabasi hayo yatahudumu kati ya saa kumi na moja alfajiri na saa sita mchana.

Tunawaonya wanaoendesha pikipiki na madereva wa magari mengine kutotumia barabara za mradi wa BRT,alisema akiongezea kwamba bado wanazungumza na washikadau kutafuta njia nzuri ya kupanga barabara zitakazotumiwa na BRT na mabasi mengine ya abiria.

Kulingana na yeye,mfumo huo wa BRT hauyaruhusu mabasi mengine kutoa huduma pamoja na mabasi ya BRT kwa hivyo abiria walioko katika barabara za BRT hawataruhusiwa kutumia mabasi mengine.

Chanzo: bbc swahili 

Lucy Kibaki afariki

Lucy kibaki na mkewe wakati wa kampeni za uchaguzi mwaka 2007

Lucy Kibaki na mumewe Mwai KIbaki wakiwapungia mkono wafuasi wao mda mchache baada ya kibaki kuwasilisha stakhabadhi zake za uchaguzi katika tume ya uchaguzi mwaka 2007.Picha ni kwa niaba ya Getty images

Lucy Kibaki na mumewe aliyekuwa rais wa Kenya Mwai Kibaki pamoja na mkewe marehemu Kijana Wamalwa wakati wa misa ya kifo cha Wamalwa.Picha kwa niaba ya Getty Images

Aliyekuwa mke wa rais wa zamani nchini Kenya Lucy Kibaki amefariki.

Lucy alifariki katika hospitali ya Bupa Cromwell mjini London. Alisafrishwa hadi mjini Landon wiki moja iliopita kwa matibabu.

Akithibitisha kifo chake rais wa Kenya Uhuru Kenyatta amesema kuwa kenya imesikitishwa na kifo cha mama Lucy mke wa aliyekuwa rais wa Kenya Mwai Kibaki.

Katika taarifa iliotumwa katika vyombo vya habari Uhuru amesema bi Lucy amekuwa mgonjwa kwa kipindi cha mwezi mmoja.

Amesema kuwa Kenya imempoteza mwanamke aliyechangia mengi katika maendeleo ya taifa la Kenya hususan katika vita dhidi ya ugonjwa wa ukimwi.

Rais ametuma risala za rambi rambi kwa mtangulizi wake Mwai Kibaki pamoja na familia yake.

Chanzo: bbc swahili

Wakenya waliofikishwa ICC wafurahia uhuru

Wakenya hao wamesisitiza kwamba hawakuhusika katika ghasia hizo

Wakenya sita waliokuwa wamefunguliwa mashtaka na Mahakama ya Kimataifa ya Uhalifu wa Kivita (ICC) kuhusiana na ghasia za baada ya uchaguzi mkuu wa 2007 wamekusanyika kwa mkutano wa maombi mjini Nakuru kusherehekea kutamatishwa kwa kesi dhidi ya Naibu Rais William Ruto na mwanahabari Joshua Sang.

Mji wa Nakuru unapatikana katika uliokuwa mkoa wa Bonde la Ufa na uliathirika sana wakati wa mapigano hayo.

Rais Uhuru Kenyatta, aliyekuwa miongoni mwa waliofunguliwa mashtaka, amekuwa akihimiza maridhiano na umoja.

Wengine waliokuwa wamefunguliwa mashtaka ni aliyekuwa mkuu wa polisi Meja Jenerali Hussein Ali, aliyekuwa mkuu wa utumishi wa umma Francis Muthaura na waziri wa zamani Henry Kosgey.

Watu takriban 1,300 walifariki na wengine 600,000 wakafurushwa makwao, wengi wao eneo la Bonde la Ufa, wakati wa mapigano hayo.

Wakenya sita walikuwa wamefunguliwa mashtaka ICC

Mahakama ya ICC awali ilithibitisha mashtaka dhidi ya Bw Kenyatta, Bw Ruto na Bw Sang lakini kesi dhidi ya Bw Kenyatta ikaondolewa Desemba mwaka 2014.

Kesi dhidi ya Bw Ruto na Bw Sang ilitamatishwa na majaji mapema mwezi huu.

Mwendesha mashtaka mkuu wa mahakama ya ICC Fatou Bensouda alikuwa amelalamika kwamba mashahidi wengi wamehongwa au kutishwa na wakabadilisha ushahidi waliokuwa wametoa awali na wengine wakajiondoa.

• Ruto: Waathiriwa wa ghasia lazima wapate haki
• Bensouda: Kenya haikushirikiana na ICC
• Ruto ashinda rufaa mahakama ya ICC

Wakati wa kutamatisha kesi dhidi ya Bw Ruto na Bw Sang tarehe 5 Aprili, Jaji Chile Eboe-Osuji kwenye uamuzi wake alisema huenda kuingiliwa kwa mashahidi kulidhoofisha kesi hiyo.

Aidha, alisema kulikuwa na uingiliaji wa kisiasa ambao huenda uliwatia hofu baadhi ya mashahidi.

Watumishi hewa wamponza mkuu wa Mkoa

Rais Magufuli aliwaagiza wakuu wa mikoa wafanye uchunguzi kuwatambua watumishi hewa

Rais wa Tanzania Dkt John Pombe Magufuli ametengua uteuzi wa mkuu wa mkoa wa Shinyanga kutokana na kuwepo kwa watumishi hewa.

Anna Kilango Malecela alitangaza kwenye vyombo vya habari kuwa mkoa wake hakuwa na watumishi hewa.

Ikulu hata hivyo ilifanya uchunguzi wake na kubaini kuwepo kwa wafanyakazi hewa 45 katika awamu ya kwanza.

Awamu ya pili ya uchunguzi huo bado inaendelea katika wilaya mbili za Ushetu na Shinyanga Vijijini ambapo jumla ya wafanyakazi 2,000 wamegunduliwa nchini Tanzania kwa awamu ya kwanza jambo ambalo Rais Magufuli anataka limalizwe mara moja.

Akiongea Ikulu jijini Dar es Salaam, Rais Magufuli amesema amesikitishwa na hali hiyo na kuagiza mkuu huyo wa mkoa na Katibu Tawala wa Mkoa Abdul Rashid Dachi kuondolewa kazini mara moja.

"Na wale wote wa Shinyanga ambao walisemekana ni zero, hakuna mtumishi hewa, walikuwa tayari wameshalipwa shilingi milioni 339.9, nimejiuliza sana, na nikajiuliza sana na kwa kweli nimejiuliza sana na kwa masikitiko makubwa, kwa nini mkuu wa mkoa alisema hakuna mtumishi hewa?" amesema Dkt Magufuli.

Kwa jumla, zaidi ya wafanyakazi hewa 2,000 waligunduliwa baada ya utathmini kufanywa mikoani.

Chanzo: bbc swahili

Uliwahi kuona Teja akiibiwa na kibaka?

Mwenye jaketi la njano ni kibaka na waliomkwida ni mateja wakimvuta kumpeleka polisi. Hapa ni mkabala na jengo la NSSF Manispaa ya Iringa

 KUNA usemi usemwao “mwizi akiibiwa, polisi hawalali”. Usemi huu si wakudhania wala wakufikirika.

Ilikuwa majira ya saa 6:27 mchana nilipowaona watu wakivutana mashati katikati ya barabara mkabala na jingo la Tanesco Manispaa ya Iringa hali ambayo kwa haraka sikuelewa.

Niliamua kusogea karibu kuuliza kinachoendelea nikaambiwa kibaka kamuibia teja ikabidi mateda wamkamate ili waanze kumshughulikia.

Mateja hao walimvuta kibaka huyo ng’ambo ya barabara wakampa kichapo kasha wakamkuda kuelekea naye kituo cha Polisi.

Wakati wakielekea kituo cha polisi kibaka akawa anaomba msamaha lakini mateja hao hawakutaka kumsikiliza zaidi ya kumchapa na kumsukuma kuelekea kituo cha polisi.

Haikuwa kazi rahisi kwa kibaka huyo kujieleza kwa kwa kuwa mateja hawakuta kusikia maelezo bali walitaka afikishwe mahakamani na kasha walihakakisha wanafka kituo cha polisi na kutiwa mikononi mwa polisi ili kazi ibaki kwa polisi

Waziri Mahiga akosolewa kutowaweka wazi watanzania juu ya fedha za MCC

Waziri Kivuli wa Mambo ya Nje Mch. Peter Msigwa akiongea na waandishi wa habari juu ya fedha za MCC.

SIKU chache baada ya Serikali ya Marekani kuzuia fedha za msaada kwa ajili ya maendeleo Millennium Challenge Cooperation (MCC), msemaji kambi rasmi ya upinzani Waziri kivuli wa Wizara wa Mambo ya Nje Mch. Peter Msigwa ametoa tamko la kuwataka Jumuiya ya Ulaya nayo kuzuia misaada kwa serikali Tanzania iweze kujitafakari kama imezingatia vigezo vya MCC katika kupata misaada.

Akizungumza na waandishi wa habari leo katika ukumbi wa Hotel ya M. R, Mch. Msigwa ambaye pia ni Mbubge wa Jimbo la Iringa Mjini alisema kambi ya upinzani imesikitishwa na maelezo ya Waziri wa Mambo ya Nje Balozi Agustino Mahiga kutowaeleza wazi watanzania sababu hasa ya serikli ya Marekani kusitisha utolewaji wa fedha hizo za msaada badala yake kukurupuka na kutoa sababu ambazo hazina mashiko kwa wananchi.

Amesema kuwa sababu ambazo Balozi Mahiga alizitoa juzi hazina mashiko kwa kuwa serikali ya Tanzania imekiuka misingi mojawapo inayozingatiwa na MCC katika vigezo 17 katika kuchagua nchi inayostahili kupata msaada na miongoni mwa vigezo vya msingi kabisa ni nchi husika kuwa na dhamira ya dhati ya kuimarisha demokrasia na kuendesha chaguzi zilizo huru na haki.

Amesema kuwa katika taarifa yake MCC ilieleza maeneo ambayo Tanzania imekiuka vigezo kuwa ni marudio ya uchaguzi haramu wa urais Zanzibar na kupitisha Sheria ya Makosa ya Mawasiliano ya Mitandaoni (Cyber Crime) sheria inayonyima uhuru wa wa kujieleza na uhuru wa kujumuika.

"Serikali ya Tanzania haijachukua hatua za kuhakikisha kuheshimiwa kwa uhuru wa kujieleza na uhuru wa kujumuika katika utekelezwaji wa sheria ya Uhalifu wa Mtandao , Tanzania iliendelea na uchaguzi wa marudio Zanzibar ambao haukushirikisha wote na wala haukuakisi maoni ya wote, licha ya malalamiko kutoka kwa serikali ya Marekani na jamii ya kimataifa”, amesema

Mchungaji Msigwa amesema kuwa kwa mantiki hiyo ni dhahiri kuwa Tanzania haikupaswa kushitushwa na uamuzi wa MCC kwa kuwa Serikali ilivifahamu vizuri na mapema vigezo vya kustahili kupewa misaada na MCC.

Aliongeza kuwa inashangaza na kusikitisha kuona Msomi na Mwanadiplomasia mzoefu kama Balozi Mahiga akilitia Taifa Aibu ya Mwaka kwa kulalamikia kuonewa na kutoa kauli za “hovyo” kama alivyozitoa.

Binadamu amejipaka uchafu: Askofu Ngalalekumtwa

BINADAMU anaelezwa kuwa ni kiumbe kilichochafuka na uchafu wa kutisha ambao anahitaji msaada kwa ajili ya kusafishwa.

Haya yamezungumzwa na Rais wa Baraza la Maaskofu Tanzania Mhashamu askofu Tarcisius Ngalalekumtwa alipokuwa akihubiri katika Mkesha wa Pasaka Parokia ya Bikira Maria Consolata - Mshindo Jimbo la Iringa.

Askofu Ngalalekumtwa ambaye pia ni askofu wa jimbo la Iringa alisema binadamu amejaa maovu ya kila aina ambayo yamekuwa kikwazo kwa wengine na kusema kuwa bila nguvu ya Mungu mwanadamu pekee hayawezi.

Baada ya mgogoro wa uchaguzi Uganda, waandishi wa habari wanahofia usalama wao wa kihabari

Yoweri Kaguta Museven

Mpiga picha wa muda mrefu nchini Uganda Abubaker Lubowa ametoa hisia zake jinshi ilivyomgharimu baada ya kupewa kazi na mhariri wake kuripoti habari za mpinzani wakati wa kampeni katika uchaguzi Mkuu Uganda akimripoti kiongozi wa upinzani Kizza Besigye.

Mwezi Februari 27,  Mwaka hu, Lubowa na mwenzake katika gazeti binafsi la Daily Monitor walikamatwa wakiwa katika harakati za kuandika habari za  kiongozi wa upinzani Besigye mji mkuu wa Uganda, ambapo Besigye amefungiwa tangu matokeo ya uchaguzi yalipotangazwa Februari 20.

Rushwa yabadilishwa jina sasa yaitwa "mipango"

WAKATI Serikali ya awamu ya tano ikija na neon utumbuaji majipu, baadhi ya watendaji wamekwepa kuita rushwa au takrima na kubuni jina linguine kuwa ni “mipango”.

Mtandao huu umeshuhudia baadhi ya maofisa watendaji wakitaka kupa fedha kutoka kwa mwanamke mmoja aliyekuwa akijenga kiti cha nyumba katika mtaa wa Igumbilo Kata ya Ruaha katika Manispaa ya Iringa wakidai kuwa za mipango.

Wakati watendaji hao wakimkomalia mwanamke huyo ili awapatie fedha, walikuwa wakitumia kigezo kuwatamsimamisha asiendelee na ujenzi kwa sababu ya kutokuwa na kibali.

Wakati wakiendelea kumkomalia mama huyo mtandao huu ulitaka kujua kama hizo fedha ambazo angezitoa mama huyo zinatolewa stakabadhi na kama ni za kisheria lakini ofisa mtendaji wa mtaa huo Ashery Msigala alisisitiza kuwa ni kwa ajili ya mipango.

“Siku zote ukitaka kufanikiwa kwa haraka lazima uwe na mipango. Ukitaka kufanyiwa kazi yako kwa haraka zaidi lazima uwe na mipango.

“Unapoamka kwenda ofisi ya mtu kwa ajili ya kupata huduma, ili huduma hiyo iweze kwenda kwa haraka zaidi lazima unapoondoka uwe na mipango kama hamasa kwa mtendaji unayekwenda kuonana naye ili akusaidie” amesema Msigala.

BAADHI YA WAAJIRI WANAWANYANYASA WAFANYAKAZI WANAPOJIUNGA NA VYAMA VYAO

BAADHI ya waajiri wanalalamikiwa kuwanyanyasa wafanyakazi wao pindi wanapojiunga na vyama vya wafanyakazi ili kuwakatisha moyo wa kutafuta haki zao.

Haya yamezungumzwa na Mohamed Sadick alipokuwa akifungua Mkutano Mkuu wa Kanda wa Chama cha Wafanyakazi wa Migodi, Nishati, Ujenzi na Kazi zingine (TAMICO) uliofanyika katika ukumbi wa jengo la shirikisho la vyama vya wafanyakazi Mkoa wa Iringa.

Sadick amesema kazi ya vyama vya wafanyakazi si ndogo kwa kuwa hufanya kazi zaidi ya vyama vya siasa kwa kudai haki ya kweli kwa ajili ya wafanyakazi katika sekta mbalimbali bila kujali idikadi na bila ubaguzi wowote.

Amesema pamoja na kuwa wafanyakazi wana haki mbalimbali kazini, wapo baadhi ya waajiri ambao huwatishia wafanyakazi wao pale wanapojiunga na vyama vya wafanyakazi wakitaka kuwakatisha tamaa ya kudai haki zao ili waendelee kunyonywa.