Club ya Chuo Kikuu Huria cha Tanzania kituo cha Iringa yatoa msaada kituo cha watoto

Baadhi watoto wa kituo cha Huduma ya Mtoto na waalimu wao wakipokea msaada kutoka club ya Chuo Kikuu Huria cha Tanzania kituo cha Iringa

CLUB ya inayoshughulika na masuala ya Virus vya Ukimwi na UKIMWI yaa Chuo Kikuu Huria cha Tanzania kituo cha Mkoa wa Iringa kimetoa msaada katika kituo cha kulea watoto yatima cha Huduma ya Mtoto kilichopo Ilula Wilaya ya Kilolo katika Mkoa wa Iringa.

Akikabidhi msaada huo kituoni hap, mlezi wa kikundi hicho ambaye pia ni mhadhiri wa chuo hicho Festogrands Chikungua alisema suala la kuhudumia watoto wanaoishi katika mazingira hatarishi ni la jamii nzima na kwamba jamii itambue jukumu hilo na kuwasaidia watoto kama hao ambao hawana msaada mwingine kwa ajili ya kujenga maisha yao ya baadaye.

Pia amesema watoto wanaoishi katika mazingira hatarishi hawakupenda kuishi katika mazingira hayo jambo linaloweza kumpata mtu yeyote kuiacha familia yake.

“Hawa watoto ni wetu. Tunapaswa kuwahudumia na kuwalea kama tufanyavyo watoto wetu. Tuwajibike kwa pamoja kuwalea na kuwapa mahitaji stahiki bila kinyongo, ubaguzi au chuki.

“Watoto hawa hawakupenda kuwa katika mazingira waliyopo. Hivyo, tukumbuke kuwa na sisi tupo safarini na tunafamilia. Tushirikiane kuwalea hawa watoto ili hata wao waweze kuwa msaada kwa wengine hapo baadaye” amesema.

Chikungua amewaasa watoto hao wakazane na kuzingatia masomo na malezi wapatayo ili waweze kufikia malengo yao kwa ajili ya maisha yao ya badaaye.

“Tumieni nafasi hii katika kuandaa maisha yenu. Zingatieni masomo kwa bidii, malezi na uadilifu ili muweze kuyafikia malengo yenu” amesema.

Akipokea msaada huo, Mkurugenzi wa kituo hicho Baraka Kibungu amesema hatua iliyofikiwa na Chuo Kikuu Huria kituo cha Iringa iwe mfano wa kuigwa na jamii na kuitaka jamii kufuata mfano huo.

Kibungu amesema kuwa kituo hicho kinakabiliwa na changamoto mbalimbali ikiwe ya kuwa na uhaba wa madarasa na vyoo, na kwamba watu wenye mapenzi mema wajitokeze kutoa msaada wa hali na mali ili kuwezesha kutatua matatizo hayo.

Kituo hicho nyenye usajili namba T 903 kinachomilikiwa na Kanisa la Pentekoste Tanzania kwa ushira wenza na Compassion International Tanzania chenye jumla ya watoto 252 wakiwemo wavulana 120 na wasichana 132 kilianzishwa mwaka 2010 ambapo kina jumla ya wali 14.

Kikundi cha Chuo Kikuu Huria kilitoa msaada wa vyakula ikiwemo kilo 50 za sukari, mafuta ya kula lita 10, chumvi katoni 2 na unga wa sembe kilo 250.