Shambulio bandia laleta maafa Kenya

Mwanamke mmoja amefariki na zaidi ya wanafunzi 20 kujeruhiwa katika oparesheni ya kuiga shambulio la kigaidi ilioendeshwa nchni kenya, katika chuo kikuu cha Strathmore.

Oparesheni hii ilipangwa na chuo hicho pamoja maafisa wa polisi bila kuarifu wanafunzi na wafanyakazi, ili kubaini ikiwa chuo hicho kiko tayari kukabiliana na tukio la kigaidi.

Kauli rasmi kutoka chuo kikuu cha strathmore, imedhibitisha kwamba mfanyakazi mmoja amefariki kutokana na majeraha aliyopata baada ya kuruka kutoka ghorofa ya tatu.

Wanafunzi zaidi ya ishirini wamejeruhiwa wanne kati yao wakiwa hali mahututi baada ya mkanyagano
mkanyangano huo ulisababishwa na mkakati wa usalama uliokuwa ukiendeshwa chuoni humo na vikosi vya usalama.

Wengi waliojeruhiwa wamelazwa katika hospitalini jijini Nairobi akiwemo mhadhiri aliyeruka kutoka ghorofa ya nne waliumia miguu na mikono katika harakati za kuruka kupitia madirisha na milango wakati wa tukio hilo.

Mkakati huo ulipaswa kuangazia maandalizi ya wanafunzi na watu wengine endapo tukio la kigaidia linaweza tokea.

Hata hivyo usimamizi wa chuo hicho umeelezea kusikitishwa na jinsi tukio hilo lilivyozuka na kusababisha majeraha huku ukiahidi kuwalipia gharama za hospitali za wote waliojeruhiwa.

Tukio hili linajiri miezi kadhaa baada ya wapiganaji wa al shabaab kutekeleza shambulio la kigaidi mwezi aprili katika chuo kikuu cha Garrissa, na kusababisha vifo vya wanafunzi mia moja arobaini na saba


Chanzo: bbc swahili

Papa 'wakristu wasilipize kisasi' Afrika ya Kati

Papa Francis ambaye yuko nchini Jamhuri ya Afrika ya kati amezuru msikiti mmoja katika mji mkuu wa Bangui.

Msikiti huo wa Koudoukou uko katikati ya mji wa Bangui uliosakamwa na vita vya kidini kati ya wakristu na waislamu.

Papa Francis alikutana na waislamu waliokwama katika sehemu ya mji unaojulikana na PK5, eno ambao umezingiriwa na wapiganaji wa Kikristu waliojihami vikali wa Anti-Balaka.

Asili mia kubwa ya takriban waislamu laki moja nchini humo, walikimbia mji huo kufuatia mapigano yaliyodumu kwa ziaidi ya miaka mitati.

Misikiti mingi iliharibiwa wakati wa vita hivyo.

Papa Francis amewataka wasameheane na waache kulipiza kisasi.

''Wakristo na Waislamu ni ndugu ,hakuna faida yeyote inayotokana na uhasama''alisema papa.

''hatupaswi kulipiza kisasi na kumdhuru mtu yeyote kwa jina la mungu'' alisema Papa Francis.

Hivi sasa leo Papa Francis anaongoza misa yake ya mwisho barani Afrika katika uwanja mkuu wa kitaifa ambako anatarajiwa kutoa wito wa maridhiano, amani na utengamano.

Mabaki ya MH370 yasafirishwa Ufaransa

Mabaki ya MH370 yasafirishwa Ufaransa

Mabaki kutoka kwa ndege ya Boeng 777 yanayoaminiwa kutoka kwa ndege iliyotoweka ya shirika la ndege la Malaysia ya MH370 yamesafiriswa kwenda nchini ufaransa kufanyiwa uchunguzi.

Sehemu ya mbawa la ndege hiyo ilianguka katika kisiwa cha Reunion katika habari ya Hindi ambapo ilipatikana siku ya Jumatano.

Mabaki hayo yatachunguzwa katika mahabara ya wizara ya ulinzi katika mji ulio kusini wa Toulause wiki ijayo.

Boeng inatuma kundi la wataalmu kusadia uchunguzi huo.

Ndege ya MH370 ilitoweka mwezi machi mwaka 2014 ikiwa na abiria 239.



Chanzo: bbc swahili

Matokeo ya kura za maoni Chadema kwa baadhi ya majimbo

JIMBO la Kilolo kwa mara ya kwanza limefanya upigaji wa kura za maoni kupitisha mgombea wa ubunge kupitia Chama cha Demokrasia na Maendeleo (Chadema) ambapo wajumbe wamejivunia kumpata mgombea shupavu anayejiamini na kwamba ana nguvu kubwa ya kushinda katika uchaguzi Mkuu unaotarajiwa kufanyika Oktoba 25 Mwaka huu.

Katika uchaguzi huo jumla ya wapiga kura walikuwa 240 ambapo Brian Kikoti aliibuka kwa ushindi wa kura 215, Ahaz Challi 12, Samson Mnyawami  9, Edger Kihwelo 2, Hezlon Lusapi 2.

Mufindi Kusini: Frank Malata 69, Oliva Lema 27, Crepton Madunda 18 Mustafa Msovera 12 jumla ya kura 126.

Jimbo la Isimani: Patrick Ole Sosopi 101, Widmani Masika 31 jumla ya kura zote ni 142 wakati Iringa Mjini: Mch. Peter Msigwa 177, Leonce Marto 18 huku kura 1 ikiharibika na jumla ya kura zote 196.

Kwa upande wa Jimbo jipya la Mafinga; Jeofrey Mungai ameibuka mshindi.

Ludewa: Okol Haule 181, Batromeyo Mkinga 126, David Msanga 3. Njombe Kusini: Emmanuel Masonga 92, Emilian Msigwa 41, Fukh Lulandala 13, Ally Mhagama 3, Alatanga Nyagawa 1, Stanislaus Mdetele 2,  Emmanuel Filangali 1, Lucia Mlowe 0. Viti maalum Rose Mayemba.

Makete: Jackson Mbogela 143, Ahadi Mtweve 77, Meck Emmanuel  9, Hadson Mrema 8, Benjamini Bukuku 1, Abiud Mwandikilwa 0.

Akihutubia mara baada ya kutangazwa mshindi kuwa mgombea ubunge katika jimbo la Kilolo Brian Kikoti alisema kwa ushindi alioupata ameamini kuwa anahitajika na kwamba anayo kazi ya kufanya ili asiwaangushe wajumbe waliompigia kura na wananchi kwa ujumla.

“Mmenionesha kuwa mnanihitaji. Tunakwenda kushinda uchaguzi katika ngazi ya udiwani, ubunge hadi urais. Sitawaangusha ndugu zangu” alisema Kikoti.

CCM ni jinamizi linalotakiwa kuondolewa: Mbunge

Mbunge wa viti maalum wa jimbo la Mjini Magharibi – Zanzibar Maryam Salum Msabaha aliyejitanda nguo kichwani akisikiliza kwa umakini namna watoto wanavyolelewa. Mwenye kofia ni Sista Cecilia kitasile mlezi wa watoto hao.

BARAZA la wanawake wa Chama cha Demkrasia na Maendeleo (Bawacha) Mkoa wa Iringa wametoa msaada wa vitu mbalimbali katika kituo cha watoto yati cha Mersino Meraddin Migoli pamoja na fedha tasilimu kiasi cha shilingi 1,645,000/=.

Msaada huo umetolewa wakati walipotembelea kituoni hapo kama ni sehemu ya kufanya kumbukumbu ya mtoto wa Afrika.

Wakikabidhi msaada huo, Mbunge wa viti maalum wa jimbo la Mjini Magharibi – Zanzibar Maryam Salum Msabaha alibubujikwa na machozi baada ya kuwaona watoto hao na kutoa msaada wa shilingi milioni moja huku Mbunge wa viti maalum Naomi Kaihula akitoa kiasi cha shlingi 550,000/=.

Akizungumza kituoni hapo Maryam Msabaha alisema jamii ina jukumu la kuishi na watoto wasio na wazazi kama familia ili kuwajenge uwezo wa kutengeneza maisha yao kimalezi.

Alisema suala la kulea watoto si la wamisionari pekee bali ni jukumu la kila mtu aliyeumbwa na Mwenyezi Mungu na kwamba watoto wasibaguliwe.

Polisi wadaiwa kuua raia mmoja huku wawili wakijeruhiwa

NA MWANDISHI WETU, NJOMBE.

RAIA mmoja mkazi wa Njombe mjini ameuawa kwa risasi na Polisi kitendo kilichowatia hasira wananchi na kufunga mitaa kwa maandamano mkoani Njombe kwa kutaka kujua sababu zilizowafanya Polisi kufyatua risasi kwa wananchi na kusababisha kifo cha mwanachi huyo.

Kutokana na tukio hilo wananchi waliamua kufanya maandamano leo kutaka kujua sababu za mwezao kuuawa jambo lililosababisha jeshi la polisi kutumia mabomu na silaha za moto hapo na kujeruhi raia wengine wawili katika maandamano hayo.

Hasira za wananchi hao zimesababisha shughuli kusimama kwa siku nzima huku maduka yakifungwa pamoja na usafiri kuwa mgumu kutokana na wananchi kutaka kupata majibu ya kuuawa kwa  raia huyo.

Wakizungumza na mtandao huu, wananchi wakazi wa Njombe wamesema Polisi walifika kilabuni walikokuwa wakinywa pombe wananchi na kufyatua risasi bila sababu yoyote kisha kumpiga mwananchi huyo aliyefariki dunia papo hapo.

Mmoja wa mashuhuda wa tukio hilo Amos Nziku ameeleza kuwa, ilikuwa majira ya jioni jana walipokuwa wakipata vinywaji katika kilabu kimoja cha pombe ambapo alitokea raia mmoja akaingia kilabuni hapo akikimbia jambo lililowashtusha na kumtaka kueleza sababu ya kuingia akiwa anakimbia.

“Jana tulikuwa kilabu cha Nyondo tukipata kiburudisho chetu cha koo huku tukiongea na marafiki gafla akaingia mtu akikimbia tukashtuaka sana. Sasa kule kushtuka kila mtu akataka kujua anakimbia nini, yule jamaa akatuambia polisi wanamfukuza.

“Tulitoka watu wote pale kilabuni kuangalia tukawaona kweli polisi tukaanza kuwapigia kelele kutaka kujua ni kwa nini wanamfukuza. Lengo ni kujua kama ni mwizi ili tumshughulikie lakini cha kushangaza, polisi wakaanza kufyatua risasi kuelekeza kwetu. Kwa bahati mbaya risasi ilimfikia mwenzetu mmoja akafariki papo hapo” amesema Nziku.

Zwelithini kutuliza raia Afrika Kusini

Goodwill Zwelithini, Mflame wa Zulu

Mfalme wa Jamii wa Wazulu nchini Afrika Kusini, Goodwill Zwelithini, anatarajiwa kutoa wito kwa raia wa nchi hiyo kujiepusha na ghasia, kufuatia kuongezeka kwa mashambulio ya kibaguzi nchini humo.

Mfalme huyo ameshutumiwa kwa kuchochea mashambulio hayo ambayo yamesababisha vifo vya watu saba.

Zwelithini, alinukuliwa akisema kuwa raia wote wa kigeni wanapaswa kurejea katika mataifa yao.

Zaidi ya watu mia tatu wamekamatwa kuhusiana ghasia hizo.

Maelfu ya watu wanatarajiwa kufurika uwanja mmoja ulioko mji wa Mashariki wa Durban kusikiliza hotuba hiyo ya Mfalme Zwelithini.

Amekariri kuwa matamshi yake hayakufahamika.

Miongoni mwa washukiwa waliokamatwa hivi karibuni na wanaume watatu ambao wanatuhumiwa kuhusika na mauaji ya rais mmoja wa Mozambique katika eneo la Alexandra viungani mwa mji mkuu wa Johannesburg.

Picha kadhaa zimeonyesha Emmanuel Sithole akindungwa kisu huku umati mkubwa ukitizama.

Raia moja wa kigeni akishambuliwa nchini Afrika Kusini

Mama mmoja raia wa kigeni ambaye nyumba yake ilivamiwa nchini Afrika Kusini

Rais wa nchi hiyo Jacob Zuma, amesema mashambulio hayo yanakwenda kinyume na maadili yote wanayoamini.

Makundi kadhaa yaliyojihami yameshambulia na kupora maduka kadhaa yanayomilikiwa na wahamiaji kutoka mataifa mengine ya Afrika.

Huku idadi ya watu wasio na kazi nchini humo, ikikadiriwa kuwa zaidi ya asilimia Ishirini na nne, raia wengi wa taifa hilo wamewashutumu raia wa kigeni kwa kuchukua nafasi zao za kazi.

Maelfu ya raia hao wa kigeni, wamekimbia makwao na sasa wanaishi katika kambi za muda, ili hali mataifa jirani wameanza shughuli ya kuwahamisha raia wao.

Siku ya Jumapili, serikali ya Zimbabwe imetuma mabasi kadhaa mjini Durban kwenda kuwachukua raia wake wapatao mia nne.

Takwimu rasmi za serikali zinakadiria kuwa kuna raia milioni mbili wa kigeni wanaoishi nchini Afrika Kusini, lakini wengi wanahoji kuwa idadi hiyo huenda ni kubwa zaidi.

Chanzo: bbc swahili

Zitto: Viongozi wa vyama wasiwe viongozi wa serikali. > Wananchi wamwita msaliti

Kiongozi Mkuu wa ACT Wazalendo Zitto Kambwe akiwahutubia wakazi wa Manispaa ya Iringa

KIONGOZI Mkuu wa Chama cha ACT Wazalendo Zitto Kabwe amesema Chamani cha Mapinduzi kinashindwa kutofautisha uongozi wa chama na uongozi wa serikali na kusababisha kuwafanya wananchi kushindwa kujua utendaji wa viongozi hao.

Zitto ameyasema hayo alipokuwa akiwahutubia wakazi wa Manispaa ya Iringa katika Mkutano wa chama hicho uliofanyika katika viwanja vya Mwembetogwa.

Amesema si rahisi kujua utendaji wa kazi za chama na kazi sa serikali kwa Rais Jakaya Kikwete kutokana na kuwa na kofia mbili za uenyekiti wa chama taifa na kofia ya urai wan chi na kwamba haijulikani ni wakati gani anafanya kazi za chama na ni wakati gani anafanya kazi cha taifa.

Amesema nchi inakosa mwelekeo kutokana na kuwapo kwa mfumo wa uongozi wa kinyonyaji na dhuruma unaotokana na viongozi wasiokuwa na maadili ambao kazi yao ni kufanya unyonyaji badala ya kufanya kazi za taifa.

“Ifike mahali ikaeleweka na kutofautisha viongozi wa chama na viongozi wa serikali ili utendaji uweze kueleweka. Si rahisi kutambua Rais Kikwete ni wakati gani anafanya kazi za chama na ni wakati gani anafanya kazi za taifa.

“Mfumo wa uongozi wa namna hii ni wa kinyonyaji kwa kuwa viongozi wengi wanafanya kazi za kinyonyaji kwa kuwa hakuna wa kumkemea mwenzake. Ndiyo maana hata mafisadi wanatazamwa usoni tu kwa sababu mfumo wa uongozi ndivyo ulivyo” amesema.

Amesema mtu yeyote akisema yeye ni kiongozi lazima awe mpambanaji kupigania haki za watu wake kwa ajili ya kuhakikisha watu wake wanakuwa na maendeleo.

Amesema umasikini wa watanzania unasababishwa na wabunge wasiopamba kupigania haki za watu wao na kugeuka kuwa wanyonyaji wasio na huruma.

Amewataka watanzania kuwa kuelewa kuwa si kwamba ufisadi unakwisha bali unaendelea kwa kasi zaidi kwa kuwa serikali iliyopo madarakani imekosa meno kuwashughulikia wezi sugu wanaoiba mali ya umma na kwamba umasikini ni chaguo la viongozi wa kisiasa.

“Umasikini wa Tanzania ni chaguo la viongozi wa kisiasa. Tusipofanya mabadiliko sisi wananchi, umasikini huu utaendelea kuwapo na hautakoma kwa kuwa wenzetu wa chama tawala ndio chaguo lao” amesema.

Amesema tatizo kubwa uchumi umeshikiliwa na watu wachahe ambao hao hao ni viongozia wa kisiasa na wengine ni viongozi wa serikali na kwamba uchumi wa Iringa pia umeshikiliwa na watu wa namna hiyo.

Ndege ya Ujerumani yaanguka nchini Ufaransa

Ndege ya shirika la ndege la Germanwings

Ndege ya abiria inayomilikiwa na shirika la ndege la Germanwing Airbus A320 Imeanguka katika milima ya Alps nchini Ufaransa.

Ndege hiyo ilikuwa imewabeba abiria 142 na wahudumu 6 ikitoka Barcelona Uhispania kuelekea Duesseldorf.

Ndege hiyo inayomilikiwa na shirika la ndege la Ujerumani Lufthansa chini ya nembo Germanwings imeripotiwa kuanguka karibu na mji wa Digne.

 Chanzo: bbc swahili

Wananchi wa Ndolezi waingiwa hofu ya kuvamiwa na simba

WANANCHI wa Mufindi katika Mkoa Iringa wapo katika taharuki kubwa na hofu ya kuvamiwa na simba kutokana na wanayama hao kupita katika maeneo mengi katika makazi yao.

Haya yamezungumzwa leo na mwenyekiti wa Kijiji cha Ndolezi Kata ya Boma katika wilaya ya Mundi, Clement Nditu alipokukuwa akiongea na mtandao huu juu ya taharuki inayokikumba kijiji chake.

Nditu amesema wanakijiji waligundua kuwa wapo hatarini walipokuwa wakienda mashambani mwao na kuona nyayo za mnayama wasiyemfahamu jambo lililowalazimu kutoa taarifa kwa uongozi wa kijiji ili hatua za kiusalama zifuate.

Maelezo ya mwenyekiti wa kijiji hicho yanakuja baada ya kuwapo kwa taarifa kuwa kijiji cha Ndolezi kimevamiwa na simba japo kuwa haikuelezwa kama kuna madhara yoyote kwa wananchi.

Mtandao huu umemtafuta ofisa mtendaji wa kijiji hicho Yohana Kikungwe ili aweze kutoa ufafanuzi zaidi ambapo amesema kijiji hicho na maeneo jirani katika Kata hiyo wapo katika sintofahamu ya hatima ya wanayama hao.

Hospitali ya Rufaa Iringa yakabiliwa na uhaba wa damu

UPATIKANAJI wa damu katika hospitali ya rufaa ya Iringa pamoja na hospitali za wilaya ni tete kutokana na benki ya damu kuishiwa damu.

Haya yamezungumzwa na mteknolojia wa maabara Mkoa wa Iringa Mlike Mwalongo alipotakuwa akihojiwa na waandishi wa habari ofisini kwake leo juu ya upatikanaji wa damu.

Mwalongo amesema hali ya upatikanaji wa damu ni tete na kwamba hospitali ya rufaa Iringa pekee inahitaji wastaniwa  wa unit 210 kwa mwezi ambapo ni sawa na lita 105 kwa mwezi.

Amesema uhaba wa damu unatokana na kukosa vitenganishi (vitendea kazi) ambavyo vingewasaidia wataalam wa damu kufika maeno mbalimbali kwa ajili ya kuwaomba wananchi kuchangia.

Ametaja sababu nyingine kuwa ni hali ya uchumi ambapo awali walikuwa wakitegemea wafadhili katika ukusanyaji wa damu kwa wanaochangia lakini kwa wakati huu wamekosa ufadhili na kusababisha damu kutopatikana kiurahisi.

“Hali ya upatikanaji wa damu kwa wakati huu ni tete. Damu haitolewi sehemu moja ila watu wanatembea sehemu mbalimbali kwa ajili ya kwenda kuomba na kutoa damu kwa watu mbalimbali wanaoguswa na kuchangia.

“Pia tuna uhaba wa dawa za kupimia damu. Kwa kuwa upatikanaji wa damu ni tete, tunatumia mbadala kupata damu ili kumuokoa mgonjwa kwa kuwaomba ndugu wa mgonjwa achangie mgonjwa wake vinginevyo hatuna jinsi” amesema Mwalongo.

Anabainisha kuwa tatizo la damu linaloikumba hospitali ya rufaa Iringa ni tatizo la kanda nzima ya nyanda za juu kusini inayojumuisha mikoa sita ya Iringa, Njombe, Mbeya, Ruvuma, Katavi na Rukwa.

Kwa mujibu wa Mwalongo hospitali ya rufaa Iringa hutumia unit 6 hadi 7 kwa siku ambapo ni sawa na kutumia lita 3.5 kwa siku.

TAKUKURU wataka wananchi wasikubali kuhongwa

TAASISI ya kupambana na rushwa (TAKUKURU) Mkoa wa iringa wamewataka wananchi kutokubali kuhongwa na wagombea wa uombozo katika kipindi hiki tunapoelekea katika kipindi cha uchaguzi unaotarajiwa kufanyika mwishoni mwa mwaka huu.

Haya yamezungumzwa na ofisa wa TAKUKURU elimu kwa umma Iringa Anneth Mwakatobe alipokuwa akiongea na mtandao huu ofisini kwake.

Mwakatobe amewataka wananchi kutambua viashiria vya rushwa wakati huu kuwa ni pamoja na mgombea au mwanasiasa kutoa kitu kama khanga na vitenge kwa ajili ya kutaka kuchaguliwa ama kushawishi wananchi kumchagua mtu fualani.

“Mgombea akiwa nakusanya baadhi ya watu halafu anakutana nao kwa siri watu wengine kujua aidha kwa kutaka kuongea nao labda kutoa ahadi kwa watu, ahadi ambazo zinawashawishi watu kumchagua au kuwapa watu fedha ili wamchague ni rushwa.

“Pia mgombea ambaye hajiamini yaani mgombea ambaye hana maslahi ya taifa, mgombea ambaye hana sera lakini haoneshi kama ana nia ya dhati yaani anashawishi zaidi, huyo naye tunaweza kusema ana viashiria vya rushwa” amesema Mwakatobe.

Simanzi, ajali yaua watu 50

WATU 50 wamepoteza maisha katika ajali ya basi kampuni ya Majinja lililokuwa likitikea jijini Mbeya kwenda jijini Dar es Salaamu katika maeneo ya Changarawe nje kidogo na mji mdogo wa Mafinga.

Ajali hiyo iliyo iliyo husisha basi lenye namba za usajili T 438 CDE na lori lililokuwa limebeba kontena lenye namba za usajili T 966AFA, basi lilianguka liliingia kwenye shimo na kupoteza mwelekeo kisha kuanguka hali iliyosababisha lori lililokuwa likipishana na basi hilo kuingia kwenye shimo hilo kisha kuanguka na kontena kulakia basi.

Mtandao huu umeshuhudia eneo la tukio kontena hilo likiondolewa kwenye basi huku maiti zikinasuliwa na kwamba magari yote yalikuwa katika mwendo kasi huku kila mmoja akitakakumuwahi mwenzake katika shimo hilo.

“Kila dereza alitaka kumuwahi mwenzake katika shimo hilo lakini kwa bahati mbaya basi likaingia kwenye shimo hilo likahama kisha kuanguka na roli nalo likafuata nalo likaanguka na kontena likalalia basi” alisema shuhuda.

Katika ajali hiyo ni mtoto anayekadiriwa kuwa na umri wa miaka mitatu alitoka akiwa mzima huku dereva wa lori akikimbia baada ya ajali.

Open University Iringa watoa msaada kwa waishio na VVU

Mkurugenzi wa Chuo Kikuu Huria cha Tanzania kituo cha Iringa (aliyeshika chupa) na walezi wa Clab ya chuo hicho (Open University HIV/AIDS Club) wakimkabidhi Mkurugenzi wa Kituo cha Alamano Sr. Rosela msaada wa vyakula kwa ajili ya kuwasaidia wanaoishi na VVU.

JAMII inapaswa kutambua na kujitoa katika kuwahudumia wanaoishi na VVU na kuwajali kwa kila namna ili waweze kuishi muda mrefu wakihudumia familia zao.

Haya yamezungumzwa leo na Mkurugenzi wa Chuo Kikuu Huria kituo cha Iringa Mch. Dkt. Lechion Peter Kimilike alipokuwa akikabidhi msaada wa vyakula kwa ajili ya kuwasaidia wanaoishi na VVU katika kituo cha Allamano kilichopo katika Manispaa ya Iringa.

Amesema kazi ya kuwahudumia waishio na VVU ni ya jamii nzima kwani hali hii inaweza kumtokea mtu yoyote na kwamba jamii isiwabague, kuwatenga au kuwafanyia vitendo vya kikatili wanaoishi na maambukizi bali iwafariji na kuwajali kwa kila jambo ili wasikate tama ya kuishi.

“Kazi hii ni yetu sote. Jamii inapaswa kutambua kuwa kuwafanyia vitendo vya ukatili watu kama hao ni dhambi na ni kosa kisheria.

“Ni dhamna potofu kuwafanyia vitendo vya ukatili watu kama hawa. Jamii iwe na uelewa wa kutosha” amesema Kimilike.

Dkt. Kimilike pia ameitaka jamii kutambua kuwa kuzaa mtoto mwenye ulemavu wa ngozi si dhambi bali ni kiumbe kama walivyo wengine ambaye anapaswa kuishi na kupata mahitaji kama wapatayo wengine.

“Kuua albino ni wazo potofu na ni baya sana. Imani hii haikubaliwi wala haiwezi kuungwa mkono na mtu yeyote. Kuwaua watu kama hawa ni kutenda dhambi tu kwani hawa ni watu kama tulivyo wengine ambao wanapaswa kupewa haki zote” amesema.

Pia ameiasa jamii kutoa ushirikiano wa dhati katika kukemia vitendo vya ukatili na kuwafichua wale wote wanaojihusisha na vitendo hivyo ili waweze kuwajibishwa kisheria.

Club ya Chuo Kikuu Huria cha Tanzania kituo cha Iringa yatoa msaada kituo cha watoto

Baadhi watoto wa kituo cha Huduma ya Mtoto na waalimu wao wakipokea msaada kutoka club ya Chuo Kikuu Huria cha Tanzania kituo cha Iringa

CLUB ya inayoshughulika na masuala ya Virus vya Ukimwi na UKIMWI yaa Chuo Kikuu Huria cha Tanzania kituo cha Mkoa wa Iringa kimetoa msaada katika kituo cha kulea watoto yatima cha Huduma ya Mtoto kilichopo Ilula Wilaya ya Kilolo katika Mkoa wa Iringa.

Akikabidhi msaada huo kituoni hap, mlezi wa kikundi hicho ambaye pia ni mhadhiri wa chuo hicho Festogrands Chikungua alisema suala la kuhudumia watoto wanaoishi katika mazingira hatarishi ni la jamii nzima na kwamba jamii itambue jukumu hilo na kuwasaidia watoto kama hao ambao hawana msaada mwingine kwa ajili ya kujenga maisha yao ya baadaye.

Pia amesema watoto wanaoishi katika mazingira hatarishi hawakupenda kuishi katika mazingira hayo jambo linaloweza kumpata mtu yeyote kuiacha familia yake.

“Hawa watoto ni wetu. Tunapaswa kuwahudumia na kuwalea kama tufanyavyo watoto wetu. Tuwajibike kwa pamoja kuwalea na kuwapa mahitaji stahiki bila kinyongo, ubaguzi au chuki.

“Watoto hawa hawakupenda kuwa katika mazingira waliyopo. Hivyo, tukumbuke kuwa na sisi tupo safarini na tunafamilia. Tushirikiane kuwalea hawa watoto ili hata wao waweze kuwa msaada kwa wengine hapo baadaye” amesema.

Chikungua amewaasa watoto hao wakazane na kuzingatia masomo na malezi wapatayo ili waweze kufikia malengo yao kwa ajili ya maisha yao ya badaaye.

“Tumieni nafasi hii katika kuandaa maisha yenu. Zingatieni masomo kwa bidii, malezi na uadilifu ili muweze kuyafikia malengo yenu” amesema.

WANASIASA NA WAFANYABIASHARA WAHUSISHWA NA MAUAJI YA ALBINO NCHINI TANZANIA

TATIZO la mauaji ya watu wenye ulemavu wa ngozi Albino linalozidi kushika kasi nchini Tanzania linaelezwa kuwa linatokana na watu wenye uchu wa madaraka na mali ambao wamekosa maadili na hofu ya Mungu huku wanasiasa wakihusishwa na jambo hilo.

Wakizungumza kwa nyakati tofauti na mtandao huu, wananchi wanaoneshwa kusikitishwa na vitendo hivyo huku wakiitupia lawama serikali kuwa inaonesha uzembe wa makusudi kulichukulia uzito suala hilo.

Sisto Khani mkazi wa Iringa mjini ameuambia mtandao huu kuwa, serikali imeonesha udhaifu katika suala hili kutokana na kutowachukulia hatua kali watuhumiwa wanaokamatwa kwa vitendo hivyo na kwamba kama serikali itaendelea kuonesha udhaifu wa namna hiyo, vitendo hivyo haviwezi kuisha.

Hata hivyo Sisto alisema pamoja na serikali kuonesha udhaifu katika suala hilo, ushirikina ndio chanzo kikubwa cha vitendo hivyo kutokana na watu kuamini kuwa kwa kutumia viungo vya watu hao unaweza kupata utajiri au kutimiza matakwa yao.

“Ushirikina na chanzo cha mauaji ya albino kwa sababu kuna watu wanatumia njia hiyo eti wanataka vyeo, utajiri, mali na uongozi” amesema.

Kesi ya mauaji ya Mwangosi yazidi kuunguruma katika Mahakama Kuu Iringa

KESI ya mtuhumiwa wa mauaji ya aliyekuwa mwandishi wa habari wa kituo cha runinga cha Channel Ten Daud Mwangosi inayomkabili Pasificus Cleophace Simon imeendelea kusikilizwa leo katika Mahakama Kuu kanda ya Iringa ambapo mashahidi wawili upande wa Jamhuri waliweza kutoa ushahidi wakiongozwa na wawendesha mashtaka wa serikali Sunday na Ladslaus Komanya.

Akitoa ushahidi mbele ya Jaji Paul Kihwelo shahidi namba tatu ambaye ni hakimu katika mahakama ya Mwanzo Dodoma mjini Flora Mhelela ameieleza mahakama kuwa Pasificus alifika ofisini kwake wakati alipokuwa hakimu katika mahakama ya mwanzo ya Bomani iliyopo Iringa mjini kwa ajili ya maungamo juu ya kesi inayomkabili.

Ameiambia mahakama kuwa mnamo Septemba 05, 2012 mtuhumiwa kwa kuongozwa na askari ambaye hakumkumbuka jina, alifika ofisini kwake kwa ajili ya maungamo juu ya kesi inayomkabili ambapo ulikuwa ni muda wa saa 07:24 mchana.

Amesema baada ya kupata taratibu zinazotakiwa kufuatwa wakati wa utoaji maelezo mtuhumiwa alikiri kuwa amehiari mwenyewe kutoa maelezo ambapo baada ya kukaguliwa katika mwili wake alikutwa na kidonda kibichi kidoleni pamoja na majeraha makavu.

“Mtuhumiwa aliniambia kwamba mnamo Septemba 2, 2012 ilitokea kazi ambayo alipangiwa kwenda Nyololo ambako kulikuwa na wanachama wa Chama cha Demokrasia na Maendeleo (Chadema) walikwenda kufanya mkutano.

“Aliendelea kusema kuwa kama ilivyo kawaida kwa ajili ya ulinzi na usalama, kwamba hawakutakiwa kufanya mkutano huo kwa kuwa haukuwa rasmi. Mkutano ulikuwa unazuiliwa kwa sababu kulikuwa na tukio la sensa” ameeleza shahidi namba tatu.

VIJANA WAONYWA KUTOKUJIINGIZA KATIKA UFISADI

Jaji Mstaafu Raymond Mwaikasu

VIJANA Wakristo Wakatoliki wametakiwa kutokujiingiza katika vitendo vya ufisadi na badala yake wametakiwa kutumia uhuru waliopewa na Mungu ipasavyo bila kuwakwaza wengine na kwamba viongozi wanaoshindwa kutekeleza majukumu katika haki ni wasaliti wasiowatakia mema wengine.

Haya yamezungumzwa na Jaji Mstaafu Raymond Mwaikasu alipokuwa akiwahutubia vijana wakati wa sherehe za mzimamizi wao Mt. Yohane Bosco zilizofanyika katika ukumbi wa Don Bosco Parokia ya Mkwawa Jimbo lringa.

Jaji Mwaikasu amesema ufisadi umekuwa ni tatizo kubwa katika serikali ya Tanzania na kwamba unasababishwa na watu wasiyo na huruma, wabinafsi, wasiomuogopa Mungu kuwa waroho kupindukia.

Dar wafanya kazi kwa hofu >Wahofia "panya road" >Wafanya kazi wakihofia kuvamiwa

WANACHI jijini Dar es Salaam wanahofia usalama wao kutokana na kikundi cha uvamizi na upora “Panya Road” ambacho kilizua taharuki jana katika maeneo mbalimbali jijini humu.

Ikiwa ni siku moja tu baada ya kikundi hicho kudaiwa kujitokeza na kuvamia baadhi ya maeneo, wananchi wanafanya shughuli zao kwa hofu juu ya usalama wao.

Mtandao huu umepita maeneo ya Kimara na kukuta watu mbalimbali wakiwa katika hofu kuvamiwa wapo katika shghuli zao za kila siku.

Majira ya saa moja usiku jana katika maeneo ya Kimara wananchi walilazimika kusitisha shughli zao mapema na kukimbilia majumbani mwao baada ya kuzagaa kwa taarifa mitaani kuhusu kuzuka kwa kikundi hicho.

Usafiri ulikuwa mgumu huku baada ya watoa huduma hiyo kulazimika kusitisha huduma kwa hofu ya kikundi hicho huku watu wakikimbizana kila kona.