Dar wafanya kazi kwa hofu >Wahofia "panya road" >Wafanya kazi wakihofia kuvamiwa

WANACHI jijini Dar es Salaam wanahofia usalama wao kutokana na kikundi cha uvamizi na upora “Panya Road” ambacho kilizua taharuki jana katika maeneo mbalimbali jijini humu.

Ikiwa ni siku moja tu baada ya kikundi hicho kudaiwa kujitokeza na kuvamia baadhi ya maeneo, wananchi wanafanya shughuli zao kwa hofu juu ya usalama wao.

Mtandao huu umepita maeneo ya Kimara na kukuta watu mbalimbali wakiwa katika hofu kuvamiwa wapo katika shghuli zao za kila siku.

Majira ya saa moja usiku jana katika maeneo ya Kimara wananchi walilazimika kusitisha shughli zao mapema na kukimbilia majumbani mwao baada ya kuzagaa kwa taarifa mitaani kuhusu kuzuka kwa kikundi hicho.

Usafiri ulikuwa mgumu huku baada ya watoa huduma hiyo kulazimika kusitisha huduma kwa hofu ya kikundi hicho huku watu wakikimbizana kila kona.

Taarifa hizo zilisambaa kwa njia ya mitandao ya simu watu kutumiana ujumbe mfupi (sms), mitandao mbalimbali ya kijamii pamoja na baadhi ya watu kupita wakiwatangazia watu kuwa na tahadhari ju ya kikundi hicho.

Kikundi hicho kinadaiwa kuvamia maeneo mbalimbali na kupora vitu, ikiwemo maeneo ya Sinza na Mwananyamala, pamoja na kujeruhi watu.

Kamanda wa Polisi Suleiman Kova akizungumzia taarifa kikundi hicho kupitia kituo cha TBC1 hapo jana alisema kuwa wananchi wanapaswa kuwa na amani kwa kuwa kikundi hicho kina wahalifu wachache na jeshi la polisi limekamata wawili ambao wamekamatwa na msako unaendelea.

“Sisi kama Jeshi la Polisi tumepata taarifa vilevile kama walivyopata watu wengine, kwamba hao vijana maarufu kwa jina la ‘Panya Road’ walikuwa wamezagaa maeneo mengi.

“Hawa ni vijana ambao hawana kazi, hawana maadili mazuri kwanza tuzungumzie uzito wa tatizo, jinsi ambavyo habari zilivyovuma zimevumishwa kubwa zaidi kuliko uzito wa tukio lenyewe. Nataka niwaambie wananchi kwamba endeleeni na shughuli zenu” alisema Kova.

Alikiri kuwapo kwa kikndi hicho na kuwataka wananchi kuwa na amani kwa kutokana na jeshi la polisi kuendesha msako kila kona katika jiji la Dar es Salaam.

“Hatukatai kwamba hawa vijana wapo.. lakini nasema suala limekuzwa limetiwa hofu, watu wamepata hofu kupindukia.

Tutashughulikia suala la ‘Panya road’ na leo doria inaendelea usiku kucha, wananchi waondoe hofu wajue jeshi la Polisi lipo. Haiwezekani panya road wakatawala Dar es Salaam… Haiwezekani panya road wawe na nguvu kuliko jeshi la Polisi. Wamekamatwa wawili… tuliwakamata muda mfupi tu baada ya kuanza vurugu zao na tunaendelea kwasaka wengine” alisema Kova.