 |
| Zahanati ya kijiji cha Rungemba |
WAHUDUMU wa afya katika
zahanati ya Rungemba Kata ya Rungemba Wilaya ya Mufindi katika Mkoa wa Iringa
wanafanya kazi katika mazingira magumu na hatarishi nyakati za usiku kwa sababu
ya kukosa mwanga.
Hayo yamebainishwa na muuguzi
katika zahanati hiyo Suzan Mhongole alipokuwa akiongea na gazeti hili jana juu
ya ugumu wa kazi yao nyakati za usiku.
Mhongole amesema wanalazimika
kutumia kurunzi nyakati za usiku hasa pale anapofika mama mjamzito mwenye
uchungu wa kujifungua au mgonjwa anayehitaji huduma ya haraka.
“Tulikuwa na mwanga unaotokana
na jua (solar power) lakini zimeharibika na hatujui tatizo ni nini kwani hata
wakija mafundi hawatuelezi tatizo ili ufanyike utaratibu wa kutatua tatizo
hilo.
